星期天，與爸媽出外吃早餐，每次途經一棵樹下前，途人也會望上樹梢上，只因我住的邨內的野鴿很喜歡停留那裡休息。如果樹梢上有鴿子在，途人便要繞路（單車徑那邊）而行，若不繞路便會「中招」的了。爸媽一邊行一邊討論那些鳥糞的問題，

爸說︰「我唔怕，我戴咗帽。」
媽說︰「嘩，你啲人咁衰架，鬼唔望你中招呀。」
我說︰「係呀，你戴咗帽，到時唔中你個頭，係中你膊頭唧，嘻嘻﹗」
爸說︰「咩呀，果日我睇明珠台一個節目，佢話雀屎可以美容呀。」
我說︰「hahaha…咁你快啲試俾我睇先啦。」
爸說︰「真係架，仲有人示範，佢唔知溝咗咩嘢，然後搽上果個女人面上。之後問返果個女人有咩感覺，佢話冇臭味，搽上感覺就好似啲漿糊咁囉。」
我說︰「所以咪叫你試吓囉，啱啦，你老了，皮膚差啲，快啲試吓啦，美容呀。hahahahaha」
母親大人在旁不斷地笑我與父親的對話。

um…為何我會不分尊卑跟父親說這些話？或者，在外人眼中我是個不孝女吧﹗其實，父母不會計較這些的，大家已經習慣大家的閒談方式，所以就算我跟他們怎樣開玩笑，他們都沒所謂。更有時候，他們會「回敬」我的啊﹗

昨天黃昏時段，以及今天黃昏時段也在母親大人房間觀看窗外的日落西山，當然也不會「走寶」拍下一些照片吧﹗

拍攝日期︰2008年5月6日

拍攝日期︰2008年5月7日

拍攝日期︰2008年5月7日

拍攝日期︰2008年5月7日